(Казан, 30 июль, «Татар-информ»). Курскида бөек татар шагыйре Габдулла Тукай исемендәге сквер ачылачак. Бу хакта Бөтендөнья татар конгрессының матбугат хезмәте хәбәр итә.

Элегрәк бу урында балалар бакчасы төзергә ниятләгәннәр. Әмма җирле халык сквер кулайрак булачак дигән карарга килгән.

Сквер булдыру – Татарстан Хөкүмәтенең инициативасы. Төзелешкә акча Казан бюджетыннан бүлеп биреләчәк. Биредә алып барылган эшләргә Курскиның «Татар-рус дуслыгы» төбәк иҗтимагый оешмасы кураторлык итә. Паркта татар халык шагыйре Габдулла Тукайның һәйкәле дә калкып чыгачак.

«Бу рус һәм татар халкы арасындагы дуслыкны чагылдырган яхшы объект булачак», - дип белдерде төбәк башлыгы Роман Старовойт. Подробнее: https://tatar-inform.tatar/news/tatar_world/30-07-2020/kurskida-b-ek-tatar-shagyyre-gabdulla-tukay-isemend-ge-skver-achylachak-5760316